Bus nahulog sa bangin

MANILA, Philippines - May 30 pasahero ang nasugatan makaraang aksi­denteng mahulog sa bangin ang isang bus habang bu­ma­bagtas sa zigzag road sa Pagbilao, Quezon kaha­pon ng tanghali. Ayon kay Quezon Provincial Police Office Director Sr. Supt. Fidel Posadas, ang insidente ay naganap dakong alas-11:30 ng umaga. Sinabi ni Posadas na binabaybay ng Barney bus na may plakang DVN 664 at minamaneho ni Michael Matta ang lugar galing sa Tagkawayan, Quezon patungong Alabang, Mun­ tinlupa City nang mangyari ang sakuna. Nawalan ng preno ang bus na nagbunsod upang tuluyan itong bumulusok sa may 20 talampakang lalim na bangin sa naturang lugar.   Ang mga biktima ay mabilis na isinugod sa pagamutan para malapatan ng lunas. (Joy Cantos)