Abu kumana: 2 pa kinidnap

Isa na namang kaso ng kidnapping-for-ransom sa Western Mindanao ang bumulaga sa mga awtori­dad makaraang bihagin ang dalawang kawani ng lending firm  ng mga ar­ma­dong kalalakihan na pina­niniwa­laang grupo ng ban­didong Abu Sayyaf sa bayan ng Su­misip, Basilan noong Martes ng gabi.

Kabilang sa mga bikti­mang dinukot ay sina Lea Patris at Ammad Salih na kapwa kawani ng KFI Len­ding Co. sa Barangay Lim­bo Kandiis sa bayan ng Su­misip.

Sa ulat ni P/Senior Supt. Salik Macapantar, provincial police director, kasalu­kuyang nangongolekta ng pautang ang mga biktima nang harangin ng tatlong mga armadong kalalakihan na sinasabing pinamumu­nuan ni alyas Kumander Abu­gaw.

Nagawa naman maka­takas ng isa sa kasamahan ng dalawa na si Nasrah Mudjain.

Magugunita na nitong mga nakaraang linggo ay sunud-sunod ang kidnapping incident sa Western Mindanao partikular na sa Basilan, Sulu at Zam­boanga kung saan bihag pa rin ng mga armadong grupo ang tatlong guro na sina Freirez Quizon, Jean­nette delos Reyes at Ra­fael Mayonada na dinukot noong Enero 23 sa kara­gatan ng Manicahan, Sacol Island, Zamboanga City.

Maging ang tatlong  mi­yembro ng International Committee of the Red Cross (ICRC) na sina Swiss An­dreas Notter, Eugenio Vagni, Italian at ang Pinay Engineer na si Marie Jean Lacaba.

Noong Lunes ng hapon ay kinidnap naman ng mga bandido ang Tsinoy trader na si Dionghan Quez, hardware owner sa Jolo, Sulu. Joy Cantos