4 holdaper utas sa shootout

RIZAL – Apat na arma­dong kalalakihan na sina­sabing miyembro ng hol­dap gang ang iniulat na napaslang makaraang ma­kipagbarilan sa mga pu­lis kahapon ng mada­ling-araw sa binisidad ng Brgy. Sta. Cruz, Antipolo City, Rizal.

Kabilang sa mga napa­tay ay sina Wendelyn Llan­tos, 39, ng # 598 San Jose St.;  kapatid nitong si Da­nilo Llantos, 37, ng # 636 San Jose St.; Jesus Quila­tan, 44, ng Brgy. Addition Hills; at si Noli Estuar, 33, ng Blk 37 Welfarevilla, Brgy. Addition Hills, Manda­luyong City.

Sa ulat ni P/Senior Supt. Ireneo Dordas, Rizal police director, lulan ng kulay dilaw na Toyota Corolla (XRB 418) ang apat nang maharang sa checkpoint ng 418th Provincial Mobile Group sa Marcos Highway.

Sa halip na huminto ay nilagpasan ang checkpoint kaya hinabol ng pulisya hanggang sa makorner at makipagbarilan ang apat na holdaper sa bisinidad ng Blue Mountain Subd. sa nabanggit na barangay.

Sa beripikasyon, lumili­taw na ang plaka ng gina­mit ay para sa Oprah Chev­rolet na kinarnap habang inaalam pa kung ang dilaw na kotse ay karnap din.

Base sa intelligence report ng pulis-Cainta, ang mga suspek ay naunang nangholdap sa gasolina­han ng Petron sa Ortigas Avenue, Cainta, kamaka­lawa ng madaling-araw.

Nabatid din sa ulat na dalawa sa napatay ay sang­kot sa kidnap-for-ransom base sa report na ipinadala ng Police Anti-Crime Emergency Response (PACER)

Narekober ang apat na baril at granada, habang tugis naman ang dalawang iba pa na sakay ng motor­siklo na nakabuntot sa apat na napatay. (Edwin Balasa)