Pag-upo ng Candelaria mayor naudlot

Naudlot ang takdang pag-proklama ng Commission on Elections (Co­melec) kay Lakas Mayor David Emralino ng Can­delaria, Quezon. Sinabi ni Emralino sa isang presscon sa Quezon City na bagamat naatasan na ng Comelec Manila noong Oktubre 2008 ang Quezon Provincial Co­melec na iproklama si Emralino bilang nanalong kandidato sa pagka-alkalde ng Candelaria noong 2007 local elections, hindi ito natuloy dahil sa kapabayaan umano ng mga hukom sa lalawigan.

Si Emralino ay nag­sampa ng election protest sa Comelec noong 2007. Umaabot sa 215 precints ang Candelaria, 89 na presinto ay hindi pinasama ng Comelec sa recounting dahil sa umano’y iregula­ridad at dayaan. Sa 126 precints, lumalabas umano na panalo si Emralino ng botong 1,700 laban sa kasalukuyang umuupong Mayor na si Bong Mali­wanag. Sinabi ni Emralino na ang pagkakaantala ng pagproklama sa kanya ay kabiguan na mabigyan siya ng hustisya kaugnay ng naisampa niyang electoral protest. (Angie dela Cruz)