9 katao nilamon ng dagat

Pinaniniwalaang nilamon ng dagat ang pito na sibilyan ma­ka­raang maglayag kahit malalakas ang alon sa naganap na magkahiwalay na insidente sa karagatan ng Eastern Samar at Leyte Gulf, ayon sa ulat kahapon. Base sa ulat ni P/Chief Supt. Abner Cabalquinto,  pumalaot ang bangkang M/V Rogin na may lulang pitong pasahero sa karagatan ng Eastern Samar patungong Sultan Sland mula sa pantalan ng Guin noong Ling­go. Gayon pa man, hanggang kahapon ay hindi na matag­puan ang nasabing bangka kung saan kamakalawa ay inaasahang uuwi na sa kani-kanilang pa­milya. Kabilang sa pito na iniulat na nawawala ay sina Aileen Escoto, Alfonso Badar, Jose Talavero, Francis Mae Talavero, Pereso Garado, Aida Mercurio at si Pe­ren­cio Mercurio. Samantala, dalawa namang mangingisda na nag­layag para mangisda kamakalawa ang iniulat na nawa­wala sa bahagi ng Leyte Gulf. Patuloy naman ang rescue operations sa mga biktimang sina Arnold Abella at Rogelio Advincula na kapwa naninirahan sa Brgy. San Roque, Leyte. Joy Cantos