5 sugatan sa 2 pang bomba

Lima katao ang nasu­gatan sa dalawang magka­kahiwalay na pagsabog ng granada sa mismong araw ng pagdiriwang ng Pasko sa Sultan Kudarat.

Ayon kay Supt. Benhur Mongao, director ng Sultan Kudarat Provincial Police Office, naitala ang unang insidente sa Brgy. Katico, President Quiurion, ng la­lawigan dakong ala-1:00 ng madaling-araw kama­ka­lawa.

Kinilala ang mga nasu­gatan na sina Maximiano Salamanca, 36, Daswin Pacana at Crisanto Torres, 44 anyos.

Nagdaraos ng Christmas party sa bahay ng isang Darius Salamanca nang may maghagis ng granada sa mga ito.

Bandang alas-6:00 na­man ng gabi kamakalawa nang sumabog ang isang apple type na granada sa loob ng Salgado Star War and Beef Bachoy Restaurant sa national highway ng Poblacion, Tacurong City.

Ayon kay SPO4 Arnold Dignadice, agad na isi­nugod sa pagamutan ang mga nasugatang sina Bobby Gomez, 16, emple­yado ng printing shop at Juanita Miguel, 43, ng Brgy. Tinak sa lungsod. (Joy Cantos)