CAMP VICENTE LIM, Laguna – Kalaboso ang binagsakan ng isang 38-anyos na babae na tinaguriang Marijuana Queen ng Laguna makaraang maaresto ng pulisya sa inilatag na buy-bust operation sa bisinidad ng Barangay Malaban, Wawa Zone 1 sa bayan ng Biñan, Laguna kamakalawa ng umaga.
Pormal na kinasuhan ang suspek na si Gemma Osena Montrea na nakumpiskahan ng 17 sachet ng marijuana, 1-kilo ng pinatuyong dahon ng marijuana, isang planggana na may mga hinimay na mj, 2-pakete ng plastic sachet at P500 bill.
Ayon kay P/Senior Supt. Manolito Labador, Laguna police director, naaktuhan ng mga awtoridad si Montrea na nagbebenta ng 10-sachet ng marijuana sa isang pulis na nagpanggap na poseur buyer sa harap ng kanyang tahanan sa nabanggit na barangay. (Arnell Ozaeta)