5 katao nilamon ng alon

LINGAYEN, Pangasinan — Napaaga ang salubong ni kamatayan laban sa limang sibilyan makaraang malunod noong Sabado sa beach resort na sakop ng Barangay Aloleng sa bayan ng Agno, Pangasinan.

Kabilang sa mga nasawing biktima ay sina Vanessa Orania,13; Rose Ann Mapala,18; Charles John Orania,11; Danzel Mae Manikan,12; at si Glamore Rivera,14, na pawang residente ng Barangay Tuque sa bayan ng Bani.

Samantalang nakaligtas naman ang 10-anyos na si Oli­ ver Rivera matapos masagip ng ilang opisyal ng ba­rangay. Sa inisyal na pagsisiyasat ng pulisya, ang mga biktima ay masayang naliligo sa mababaw na bahagi ng beach nang biglang hilahin ng malakas na alon patungo sa malalim na bahagi ng dagat.

Narekober naman ang mga bangkay ng biktima kamakalawa. (Cesar Ramirez)