Brodkaster itinumba

Isa na namang brod­kaster ng lokal na himpilan ng radyo ang iniulat na nasawi makaraang ratratin ng ‘di-pa nakilalang lalaki sa naganap na pananam­bang sa bayan ng San Roque, Northern Samar noong Martes ng gabi.

Sa ulat ni P/Senior Supt. Eusebio Mejos, Samar police director, ang biktimang napuruhan sa ulo at kali­wang dibdib ay nakilalang si Leo Mila, 35.

Sa inisyal na imbesti­gasyon ng pulisya, si Mila na kilala bilang hard-hitting commentator sa Northern Samar ay pinagbabaril sa loob ng compound ng Radyo Natin (affiliate station ng Manila Broadcasting Company) sa Sitio Na­peres, Brgy. Zone 3 na may ilang kilometro ang layo mula sa town proper ng San Roque.

Ayon kay Col. Mejos, ang pagpatay kay Mila ay may kinalaman sa kanyang matinding pag-atake sa operasyon ng New Peo­ple’s Army’s revolutionary taxation na inimpli­menta sa nabanggit na lalawigan at pagbanat sa ilang isyung political.

Nadiskubre ang bang­kay ni Mila sa madilim na bahagi ng nasabing compound at dinala sa isang pribadong morgue para isailalim sa post-mortem examination sa bayan ng Catarman.

Si Mila na may araw-araw na programa sa Rad­yo Natin na “Himig Wa­raynon” ay kauna-unahang pinaslang sa Northern Samar at ikalawa sa buong rehiyon. Si Ramon “Mon­ching Noblejas ay binaril at napatay sa compound ng DyVL sa Tacloban City noong Oktubre 4, 2007 at kasalukuyang ‘di-pa nare­resolba ng mga awtoridad ang krimen.