Tatlong sibilyan kabilang ang isang 5-anyos na lalaki ang iniulat na nasawi makaraang maipit sa bakbakan ng militar at ng rebeldeng Moro Islamic Liberation Front sa liblib na bahagi ng Brgy. Mudsing sa bayan ng Midsayap, North Cotabato, kamakalawa. Kinilala ang nasawi na sina Ali Mentang Penen, 35; Adtuka Dimaloloy, 32; at Tongan Dimaloloy, 5. Sa inisyal na ulat ni P/Senior Supt Renante Cabico, hepe ng Midsayap PNP, lumitaw na bumisita lamang ang mga biktima sa naturang lugar nang maipit sa bakbakan ng militar at grupo ni Kumander Kato. Joy Cantos