Ambush: Vice mayor, driver patay

Napaaga ang karit ni kamatayan sa isang vice mayor at driver nito makaraang ratratin ng tatlong armadong kalalakihan kahapon ng hapon sa bayan ng San Manuel, Tarlac.

Sa phone interview, kinilala ni P/Senior Supt. Rudy Lacadin, Tarlac police director, ang mga biktimang sina San Manuel Vice Mayor Reynaldo Ma­lazo, 63; at Romy Abar­rientos.

Base sa police report na nakarating sa Cam Crame, naganap ang pananambang  malapit sa bahay ng bise alkalde sa Ba­rangay Salcedo, pa­sado ala-una ng ha­pon.

Napag-alamang pa­pauwi na ang opis­yal mula sa Nueva Ecija matapos itong dumalo sa kasalan nang hara­ngin at pag­babarilin ng mga ‘di-pa kilalang ka­lalakihang lulan ng motorsiklo.

Kaugnay nito, bu­muo na ng Task Force Malazo ang pulisya upang imbestigahan ang pagkakapatay sa mga biktima.

Sa kasalukuyan, ayon pa sa opisyal ay anggulo ng alitan sa lupa ang sinisilip nilang motibo sa krimen ma­tapos ang kaniyang pakikipag-usap kay San Manuel Mayor Jose Villa Agustin.  (Joy Cantos )