Auditor ng COA inambus

NUEVA ECIJA – Isang provincial auditor ng Commission on Audit (COA) ang malubhang nasugatan makaraang tambangan ng dalawang ’di-pa kilalang kalalakihan sa Barangay San Mariano sa bayan ng San Antonio, Nueva Ecija noong Lunes ng hapon.

Kasalukuyang nasa Nueva Ecija Doctors Hospital ang biktimang si Teresita Grande y Sarmiento, 54, ng Caba­natuan City.

Sa ulat ni P/Senior Insp. Angelito Bondoc, hepe ng San Antonio PNP, lulan ng Crosswind (CTK-452) ang biktima kasama sina Gracito Lising at Emerlinda Cruz nang harangin at ratratin ng dalawang lalaki na sakay ng motorsiklo.

Sini­silip ng mga imbestigador ang anggulong may kinalaman ang pananambang sa trabaho ng biktima. (Christian Ryan Sta. Ana)