Pinagbabaril hanggang sa mapatay ang isang kumander ng mga rebeldeng New People’s Army na nagbalik-loob sa pamahalaan ng mga armadong kalalakihan sa bisinidad ng Sitio Likda, Brgy. Simbalon sa bayan ng Buenavista, Agusan del Norte, ayon sa ulat kahapon.
Kinilala ni Major Armand Rico, regional Army spokesman, ang pinaslang na opisyal ng NPA na si Felipe Limbaro, alyas Kumander Royal, 43.
Batay sa ulat na nakarating sa Camp Aguinaldo, na bumibisita sa kaniyang bukirin ang biktima nang harangin at ratratin ng mga armadong kalalakihan na pinaniniwalaang mga dating kasamahang rebelde. (Joy Cantos)