Paaralan bobombahin?

KIDAPAWAN CITY – Pinasabog ng mga opera­tiba ng 63rd Explosives and Ordnance Disposal Team ang Philippine Army ang isang improvised explosive device na natag­puan ng mga pulis sa may Poblacion ng Carmen, North Cotabato, alas-9:00 ng gabi ng Huwebes.

Ayon kay Sr. Insp. Mira­luna Ortega, hepe ng Car­men Police, nagpapatrolya sa may Poblacion ang kanyang mga tauhan nang mamataan nila ang isang kahina-hinalang bagahe na iniwan sa labas ng gate ng Northwest Central Elementary School sa Poblacion.

Ang IED, ayon kay Or­tega, ay nakasilid sa isang sako. Maliwanag umano ang naturang erya kaya’t agad itong napansin ng pulisya. Ang IED ay nagla­laman ng ammonium nitrate, mga pako, at naka-attach sa isang celfon na ginamit bilang triggering device.

Naniniwala si Ortega na nakatakdang pasabugin ng mga bomber ang IED kina­bukasan kung saan mara­ming mga mag-aaral ang papasok sa naturang es­kwelahan.