Umaabot sa P 5 milyong halaga ng kemikal sa paggawa ng shabu ang nasamsam makaraang salakayin ng pinagsanib na elemento ng pulisya at Philippine Drug Enforcement Agency (PDEA) ang apartment na ginawang bodega ng shabu sa Masbate City kahapon ng umaga.
Sa ulat ni P/Senior Supt. Reuben Sindac, na isinumite sa Camp Crame, ni-raid ng mga awtoridad ang Kimberly Apartment sa Purok 4, Brgy. Nursery matapos nakatanggap ng impormasyon na iniimbakan ng kemikal ng shabu.
Napag-alamang nirerentahan ng isang Jeffrey Villegas, na nagpatira sa may 5-Taiwanese, kabilang ang isang nakilala lamang sa pangalang Chong.
Gayon pa man, mabilis na nakatakas ang mga suspek matapos na matunugan ang presensya ng pulisya. (Joy Cantos at Ed Casulla)