CAMP SIMEON OLA, Legazpi City — Dalawa-katao kabilang ang intelligence officer ng pulisya ang iniulat na pinagbabaril hanggang sa mapatay ng deadly squad ng New People’s Army sa magkahiwalay na karahasang naganap sa lalawigan ng Albay kamakalawa.
Kinilala ang mga biktimang sina SPO1 Policronio Clapis Jr. at Robin Asarez ng Barangay Alcala sa bayan ng Daraga, Albay. Sa ulat ni P/Chief Insp. Rommel Dela Rama, si SPO1 Clapis na nakatalaga sa himpilan ng pulisya sa bayan ng Malinao ay nilikida sa loob ng sariling tahanan sa Barangay Nagas, Tiwi, Albay. Kinumander pa sa pagtakas ng mga rebelde ang motorsiklo (OM3182) ni Aldrin Contacio.
Samantala, si Asarez na isang tiktik ng AFP at PNP ay binoga habang namamasyal sa plaza ng Daraga, Albay. (Ed Casulla)