26 minero kalaboso

KIDAPAWAN CITY – Re­has na bakal ang binag­sakan ng 26 minero maka­raang maaktuhang illegal na nagmimina ng ginto sa Barangay Pulang Bato sa bayan ng Tampa­kan, South Cotabato, ka­ma­kalawa.

Ayon kay Lourdes Ju­milla, secretariat head ng Provincial Mining Regulatory Board ng South Cota­bato, sangkot ang mga sus­pek sa tinatawag na “banlas” mining, paraan ng pagmimina na ginagamitan ng tubig at mercury kung saan sinisira nito ang ka­bundukan.

Kasama ni Jumilla sa operasyon laban sa mga minero ang ilang elemento ng pulis-Tampakan, Bravo Company ng 27th Infantry Battalion, mga opisyal ng Barangay Pulang Bato.

Nakumpiska sa mga suspek ang isang chain­saw, water hose, weighing scale, at 100 gramo ng mercury.

Kabilang din sa pinag­pupugaran ng mga iligal na minero ay ang Sitio B’lan­gas sa Barangay Kematu sa bayan ng T’boli, South Cotabato.

Base sa pag-aaral, aabot sa 4 milyong metriko tonela­da ng ginto ang nananatiling ‘di-pa nadi-develop sa ba­yan ng T’boli. (Malu Cadelina Manar)