5 cell site ng Globe sinabotahe ng NPA

Aabot sa limang cell site ng Globe Telecoms  ang mag­kakasunod na sina­botahe ng mga rebeldeng New People’s Army sa mag­kakahiwalay na pani­ba­gong paghahasik ng ka­rahasan sa Kabikulan, ayon sa ulat kahapon.

Sa ulat ni Col. Ariel Ber­nardo, commanding officer ng 901st Infantry Battalion ng Philippine Army, unang pina­sabog ang cell site sa Bgy. Humapon, Legazpi City, Albay noong Biyernes ng gabi.

Makalipas ang 5-minuto ay binomba ang isa pang cell site sa Bgy. Bacong sa Ligao City habang isinunod naman ang dalawang cell site sa bayan ng Barce­lona, Sorso­gon at sa bayan ng Jovellar, Albay.

Bukod sa apat na magka­kasabay na pagsabog, una nang sinunog ng mga re­belde ang isa pang cell site sa bayan ng Del Gal­lego, Camarines Sur noong Hu­webes ng gabi.

Tinatayang umaabot sa milyong halaga ng ari-arian ang napinsala sa naganap na pananabotahe ng mga re­belde na pinanini­wa­la­ang  na­sa ilalim ng Ro­mulo Jallores Command na nag-ooperate sa Camarines Sur. Saman­tala, tulad na­man ng mga na­una nang pananabotahe ng NPA rebs ay pangingikil ng revolutionary tax ang lumilitaw na motibo. Joy Cantos at Ed Casulla