Sanggol kinatay ng ama

LEGAZPI CITY, Al­ bay – Dahil sa kahi­rapan at walang pam­bili ng gatas ay naga­wang pag­sasaksakin hanggang sa mapatay ang tatlong buwang gulang na sang­gol ng sariling ama na nairita sa kaiiyak ng bata sa loob ng kanilang taha­nan sa Purok 1, Ba­rangay San Roque, Le­gazpi City, Albay kama­kalawa.

Nagkikisay pa ang sanggol na lalaki ma­tapos tarakan ng ku­tsil­yong pangkatay ng ba­boy sa dibdib  na nagla­gos sa likuran nito.

Arestado naman at pormal na kinasuhan ang suspek na si Rudy Briones, 29, isang ma­tadero sa pampubli­kong  pamilihan sa na­bang­git na lungsod.

Sa impormasyong na­kalap ng PSNgayon, isi­nilang ang sanggol noong Mayo kung saan ang ina nito ay namatay sa panganganak kaya dumanas ng matinding depresyon ang suspek na kasalukuyang wa­lang kinikita sa katayan ng baboy.

Ayon kay P/Chief Insp. Rolly Esquerra, hepe ng pulisya sa Le­ gazpi City, naganap ang krimen dakong alas-3 ng hapon  kung saan inabu­tan ng sus­pek na nag-iiyak ang sanggol sa gutom.

Napag-alamang na­irita ang senglot na ama sa kapapalahaw ng sang­gol kung saan sa sobrang kahirapan ay walang maipambili ng gatas.

Lumilitaw sa imbes­ti­gasyon na nagdilim ang paningin ng sus­pek at bigla na lamang dinam­ pot nito ang anak na nag-iiyak saka pinag­sa­­sak­sak upang matapos na ang paghihirap nito na na­dadamay pa sa gutom na dinaranas ng kani­lang pamilya bunga ng sobrang kahirapan.

Inamin ng suspek na napaslang niya ang sa­riling anak dahil sa ma­tin­ding kahirapan kung saan madalas na umiiyak ang sanggol dahil walang pambili ng gatas.