Kriminalidad sa Cavite bumaba

TRECE MARTIRES CITY, Cavite – Isa sa ipi­nagmama­laki ng Cavite ang pagbaba ng krimina­lidad at pagtaas ng Crime Solution Efficiency kung saan sa naitalang 364 kri­men, lumalabas na 328 ang nabig­yang lunas para sa 90.10 porsiyentong CSE rating.

Sa kasalukuyang talaan ng Cavite Police Provincial Office, makikita ang mala­king agwat ng pagbaba ng kriminalidad sa Cavite, ipinagkaloob ni Cavite Gov. Ayong S. Maliksi, katu­wang si P/Senior Supt. Her­nando Mendoza Zafra sa mga bayan ng Silang, Tagaytay at Imus PNP ang sertipiko ng pag­kilala sa kanilang ipina­kitang katapangan at dedikas­yon sa tungkulin.

Wala namang naitalang kaso ng kidnapping sa ikala­wang bahagi ng 2008 habang aabot naman 72-operations laban sa illegal at loose firearms ang na­isagawa na ang resulta sa pagkakaaresto ng tatlong wanted.

Samantala, may kabu­uang 22 anti-illegal gambling operations ang na­ilunsad na nag­resulta sa pagkakadakip ng 60-katao.

Kasunod nito, aabot na­man sa anim na operas­yon laban sa illegal fishing ang isi­nagawa ng pulisya kung saan 72-katao ang naaresto at nakumpiska­han ng iba’t ibang uri ng isda.

 “Sa tulong ninyo, at sa masidhing adhikain ng kapu­lisan na paigtingin ang  pag­si­sikap na panga­lagaan ang ka­pakanan ng lahat ng mga ma­mamayan ng Cavite, makaka­mit natin ang minimithi nating kapa­yapaan,” dagdag pa ni Gov. Maliksi.