3 mag-uutol nagpatayan

CAVITE – Isang 47-anyos na mister ang iniulat na napaslang makaraang pagbabarilin ng kanyang nakababatang mag-utol sa Barangay Paliparan 1, Dasmarinas, Cavite kaha­pon ng umaga.

Kinilala ng pulisya ang biktima na si  Oscar Man­ducdoc habang nasugatan naman ang kanyang 16-anyos na anak na si Kenneth Manducdoc.

Sa follow-up operation ng pulisya, naaresto na­man ang isa sa mga sus­pek na si Marlon Manduc­doc, 32, ng Blk 13 Lot 17 Brgy. San Gabriel sa bayan ng General Mariano Al­varez, Cavite.

Pinaghahanap naman ang isa pang suspek na si Jose Manducdoc na nani­nirahan din sa nabanggit na bayan.

Sa inisyal na pagsi­siyasat ni PO3 Edgar Bel­za, pinasok ng mga sus­pek ang bahay ng biktima saka isinagawa ang pa­mamas­lang. Sinisilip ng mga im­bes­ tigador ang pinag-aaga­wang lupain sa na­banggit na bayan ang isa sa posi­bleng motibo ng krimen. Cris­tina Timbang