Magsasaka kinarit ng magpinsan

CEBU – Pinagtulu­ngan patayin ang isang 21-an­yos na magsasaka ng mag­­pinsan noong Lu­nes ng hapon sa Sitio Ma­ngadlaw, Barangay Caba­lawan sa bayan ng So­god, Cebu.

Kinilala ng pulisya ang napatay na si Anecito Mo­dequillo Talingting 21, na nag­tamo ng mara­ming sugat ng itak sa ka­tawan matapos pagtulu­ngang patayin ng mga suspek na sina Renante Bregente Andales, 24 at Christom Bregente Ri­vera.

Ayon kay SPO3 Joe Miller Baticuang ng So­god PNP, ang biktima ay sina­ sabing nagsimula ng ka­gu­luhan matapos ni­tong pag­tatagain ang mag­pinsan dahil sa nari­nig na impormasyong ba­lak siyang patayin.

Napag-alamang na­ngu­nguha ng damong ipa­pakain sa baka at ka­bayo ang biktima nang ma­ma­taan ang mga sus­pek na pa­­palapit kaya ina­ba­ngan nito ang dalawa sa da­ra­anan.

Unang tinamaan ng ka­ rit si Renante sa ulo at na­tapyas ang pisngi nito pati na rin ang taynga at sa ta­giliran.

Sinubukang tulungan ni Christom ang pinsan ngu­­nit pati siya ay tinaga rin ni Talingting sa ulo at braso.

Gayon pa man, naga­wang yapusin ni Christom si Talingting kaya’t nagka­roon ng pagkakataon si Re­nante na maagaw ang karit saka ito pinagtulu­ngang bag­sakan ng mala­king bato sa ulo.

Sumuko naman sa pu­ lisya ang magpinsan at saka isinugod sa ospital. Edwin Ian Melecio