NPA camp nakubkob; 3 rebelde todas

Nakubkob ng tropa ng militar ang malaking kampo ng mga rebeldeng New People’s Army (NPA) na ikinasawi ng tatlong opisyal ng rebelde habang tatlo pang sundalo ang nasu­gatan sa isinagawang ope­rasyon kahapon ng mada­ling-araw sa bayan ng Quezon, Bukidnon.

Kabilang sa mga napa­tay na opisyal ng NPA ay nakilala lamang sa alyas Ka Grace ng Komid medical staff; Ka Tonio at Ka Jeff na kapwa Ordnance Staff.

Sa pahayag ni Army Spokesman Lt. Col. Romeo Brawner Jr., sina­lakay ng Army’s 29th Infantry Battalion ang pinag­kukutaan ng mga rebelde sa bulu­bun­duking bahagi ng Tinu­pungan sa Ba­rangay Sta. Cruz.

Dalawa hanggang tat­long oras ang itinagal ng bakbakan hanggang sa magsiatras ang mga re­belde matapos na malaga­san ng tatlong opisyal at ‘di-nabatid na sugatan

Narekober ng militar ang M 16 rifle, M 14 rifle, PAL 7.62 rifle, Asus laptop, USB hi-speed, dalawang gaps ng 76 garmin, walong land­mines, tatlong sako ng sangkap sa paggawa ng bomba at isang heavy duty Robin R650 generator  at camp printer. Joy Cantos