2 bata natusta sa sunog

Natusta ang murang katawan ng magkapatid kabilang ang isang sanggol makaraang makulong sa loob ng kanilang tahanang nasunog sa Barangay San Isidro sa bayan ng Bali­ngasag, Misamis Oriental kamakalawa ng gabi.

Kinilala ang mga biktima na sina Carl Julius Abenido, 10; at ang sampung bu­wang gulang nitong kapatid na si James Jubert Abe­nido.

Batay sa ulat na isinu­mite sa Camp Crame, ini­wan ng mga magulang ang magkapatid  na natutulog sa loob ng kanilang taha­nan bandang alas-9 ng gabi.

Nabatid na matapos makatulog ang kanilang mga anak ay umalis sandali ang mag-asawa  dahil may kailangang asikasuhin.

Nagulat na lamang ang mga kapitbahay nang ma­kitang nilalamon ng apoy ang tahanan ng pamilya Abenido kung saan na-trap sa loob ang mag-utol.

Pinaniniwalaan namang aksidenteng natumba ang lampara ng pamilya na dumila sa kurtina hanggang sa lamunin ang buong kabahayan na ikinasawi ng dalawang bata.