Cartho-sketch ng kidnaper, inilabas na

CAMP VICENTE LIM, La­guna  – Inilabas na sa mga mamamahayag ang cartho­graphic sketch ng isa sa da­lawang suspek na du­mukot sa hipag ni Laguna Vice Governor Ramil Her­nan­dez sa ha­rap ng computer school noong Bi­yernes ng umaga sa Ca­lamba City, Laguna.

Ayon kay P/Senior Supt. Felipe Rojas, Jr, Laguna police director, ang natu­rang suspek na isinalara­wan ng anak ng biktima ay may edad na 36-anyos pataas, 5’6 hanggang 5’7 ang taas, mas­­kulado at maitim ang balat.

Sa naging pagpupulong ng mga awtoridad at pa­milya Hernandez, nagde­sisyong lu­mabas ang pa­milya ng bik­tima sa media para humingi ng tu­long sa pagpapakalat ng cartho­­graphic sketch ng suspek.

Sa tala ng pulisya, di­nukot ang 32-anyos na hipag ni Vice Governor Hernandez na si Jocelyn ng dalawang di-pa kilalang kalalakihan habang nasa harap ng Asian Compu­ter College sa Ba­rangay Ma­yapa bandang alas-9 ng umaga.  

Napag-alamang sina­ma­­han ni Jocelyn na magpa-en­roll ang anak na si Aiza nang lapitan ng mga suspek at pilit na inaagaw ang handbag nito.

Nang tumangging ibigay ni Jocelyn ang bag, sinik­mu­raan ito bago isinakay sa traysikel nang mawalan ito ng malay-tao.

Ayon sa mga saksi, su­mi­bat patungong Barangay Ba­tino ang mga suspek habang iniwan naman ang batang Her­­nandez sa na­banggit na lugar.

“Nananawagan kami sa mga tao na baka sakaling may nalalaman sa pang­ya­yari na sana ay makipag-ugnayan lang sa amin o sa mga alagad ng batas,” pa­nawagan ni Vice Gov. Her­ nandez

“Hindi planado ang pag­dukot sa biktima, bag lang talaga ang target nila but she just became a target of opportunity nung mawalan s’ya ng malay-tao,” paha­yag ni Rojas.