P5-B shabu nasabat sa Subic

SUBIC BAY FREEPORT – Tinatayang aabot sa 770 kilos ng high-grade methamphetamine hydrochloride na kilala sa tawag na shabu na may street value na P5 bil­yon ang nasabat ng pinagsa­nib na operatiba ng Presiden­tial Anti-Smuggling Group-Task Force Subic at Law Enforcement Department-Subic Bay Metropolitan Authority (LED-SBMA) sa isinagawang mag­kakasunod na drug bust operation sa Subic Bay Freeport Zone noong Linggo at kahapon.

Sa pahayag ni Usec. Antonio Villar Jr., ang kilu-kilong shabu ay nakumpiska ng mga tauhan ni P/Supt. Ro­lando Magno mula sa dala­wang van at bodega na pag-aari ng Chinese trader na si Anthony “Anton” C. Ang ng Davidson Street, Barangay West Bajac-Bajac, Olongapo City.

Napag-alamang si Ang ang may-ari ng Hua Long International sa Subic Bay Industrial Park na nairehistro noong Oktubre 2007 at nag-iimport ng mga sigarilyo at alak mula sa China.

Sa press conference noong Linggo, sinabi ni SBMA  Administrator Ar­man Arreza, namataan ang isang kulay pulang Mitsu­bishi Outlander (REA-615) na uma­aligid sa bisinidad ng Riviera Pier kung saan nakadaong ang isang Taiwanese vessel na F/B Shun Fa Xing.

Ayon pa sa ulat, nama­taan ng mga operatiba na may ibinababang mga ka­hon ang pahinante mula sa nasabing barko patungo sa nakaparadang kulay pulang sasakyan.

Nabatid na tinangkang ilabas ang kargamento sa Port Sentinel Branch kaya hinarang na ng mga opera­tiba para rekisahin ang mga papeles.

Nang sitahin ng mga ope­ratiba si Ang ay idineklara nitong mga computer parts ang laman ng kahon at hindi maaring buksan dahil sensi­tibo ang mga parte at nanga­kong ipiprisinta ang mga dokumento kinabukasan.

Subalit hindi na nagbalik si Ang kaya nagpasya ang mga awtoridad na buksan na ang mga kahon kung saan lumantad ang kilu-kilong shabu.

Nalambat din ng SBMA Harbor Patrol ang  30 kilong shabu na namataang palu­tang-lutang sa nasabing lu­gar.

Nadiskubre rin ng mga operatiba ang may 660 ki­long shabu na lulan ng To­yota Hi-ace (UKU-699) ma­tapos buksan ang Hua Long warehouse na pag-aari ni Ang.

Inalerto naman ni Admi­nistrator Arreza ang lahat ng SBMA entry na posibleng gamiting daanan ng mga sasakyang may lulang droga. Dagdag ulat ni Rudy Andal