Bus terminal pinasabog

COTABATO CITY – Lima-katao ang iniulat na sugatan makaraang su­mabog ang bomba na itinanim sa labas ng gate ng terminal ng bus sa Jose Lim Street, Ki­da­pawan City kama­ka­lawa ng gabi. Kabi­lang sa mga sugatan ay sina Joseph Ere, dray­ber ng aircon bus (MVK484); Leopoldo Ca­banog, security guard at ang tat­long ‘di-pa kilalang la­laki. Inako naman ng Hez­­bollah Group, ang pam­bobomba sa terminal ng People’s Transport na dating Weena Bus Liner, ayon sa may-ari ng terminal na si Digoy Valde­viezo.

Sa pinakahuling in­sidente ng pambobom­ba noong nakalipas na bu­wan sa Midsayap at Co­tabato City, humi­hingi na ng P1 milyong protection money ang grupo ng Hez­bollah, pahayag pa ni Valde­viezo.

Gayon pa man, hindi rin inaalis ng pulisya ang posibilidad na awayan sa negosyo ang isa sa mo­tibo ng pagpapasa­bog. Malu Manar