2 karnaper tumba sa shootout

BULACAN – Dalawang kalalakihan na pinanini­walaang notoryus na kar­naper sa iba’t ibang mall ang iniulat na napatay makaraang makipagbarilan sa mga alagad ng batas sa Barangay Loma De Gato sa bayan ng Marilao, Bu­lacan kahapon ng mada­ling-araw.

Kinilala ni P/Sup. Lai­lene Amparo, ang dalawa na sina Jason Torres ng Barangay Pandayan at Jose Galicia ng Barangay Saluysoy na kapwa nasa Meycauayan City, Bula­ can.

Ayon sa ulat, tinangkang parahin ng mga nagpapa­trolyang pulis sa checkpoint sa Barangay Prenza ang dalawang magkaangkas sa motorsiklong walang plaka bandang alas-12 ng mada­ling-araw.

Sa halip na huminto ang riding-in tandem ay pina­harurot ang kanilang mo­torsiklo at pinaputukan pa ng baril ang ilang pulis kaya’t ay hinabol sila kahit maputik ang kalsada.

Inabutan ng pulisya ang dalawa sa bahagi ng na­banggit na barangay saka nakipagbarilan.

Ayon sa pulisya, ang da­lawa ay kabilang sa no­toryus na grupo ng kar­naper na may modus operandi sa malalaking mall sa nabanggit na lalawigan.