Mother’s Day massacre: Mag-ina dinedo

Hindi nasilayan ng mag-ina  ang pagdiriwang ng Mother’s Day makaraang pagsasaksakin hanggang sa mapatay  ng mga ’di-pa kilalang kalalakihan  sa loob ng kanilang computer shop sa Naga  City, Camarines Sur, kamakalawa ng gabi.

Kinilala ng pulisya ang mag-inang sina Analyn Santos-Hernandez, 37; at anak nitong si Lemuel, 7. 

Naisugod naman sa os­pi­tal ang isa pang anak ni Analyn na si Elijah Kevin, 11, na ngayon ay nasa kri­tikal na kondisyon.

Ayon sa ulat, inimbi­ta­han naman si Lindon Lao See, 17, ng Blumentritt St., Tina­go, Naga City matapos ma­mataan ng ilang resi­dente na uma­aligid sa crime scene.

Sa ulat na nakarating sa Camp Crame,  dakong alas-10:50 ng gabi nang ma­ganap ang insidente sa loob ng computer shop ng mag-iina sa Prieto St., Sitio Arana, Barangay Sta. Cruz ng na­banggit na lungsod.

Hinihinala ng pulisya na pagnanakaw ang motibo ng mga suspek kung saan pi­nagsasaksak ang mag-iina sa loob ng shop.

Sa pagtatanong kay See, lumilitaw na may dala­wang di-pa kilalang kalalaki­han  ang nakita nitong pu­ma­sok sa establisiyimento  subalit nagduda ang mga imbestigador makaraang ma­­kitaan ito ng sugat ng pa­talim at may saksak ito sa kamay na posibleng  indi­kas­yon na nanlaban ang mga biktima at kabilang ito sa mga killer.

Patuloy pa ang imbesti­gasyon kung saan naka­detine pa rin si See habang hindi naliliwanagan ang ka­ugnayan nito sa krimen. (Danilo Garcia)