18 ‘hot cars’ nasamsam

CEBU – Aabot sa 18 “hot cars” ang iniulat na nasam­sam, makaraang salakayin ng mga tauhan ng Presidential Anti-Smuggling Group at Regional Intelligence Office ang mala­king bodega sa Gate 3 Sacris Extension sa Man­daue City kamaka­lawa.

Sa bisa ng search warrant na inilabas ni Judge Geral­dine Faith Econg ng Cebu Regional Trial Court at dahil sa paglabag sa Executive Order 156 na ini­labas ni Pre­sidente Gloria Arroyo noong 2003, ni-raid ang car surplus store ng Song Pa Motors Tra­ding na pag-aari ni Michael Men­gasca, ngu­ nit ayon sa na­ku­hang im­pormasyon  ay pinani­niwa­laang dummy lamang ito ng tatlong Ko­reano.

Sa panayam ng PSNGAYON kay PASG-7 deputy director Ricardo “Jojo” Collantes, may nakita silang nakasabit na mga LTO registered plates ma­lapit sa kina­lalagyan ng mga sasak­yan ngunit di-pa matu­koy kung plano ba itong ika­bit.

Hinihintay na lang ni Collantes si Mengasca na magbigay ng nilagdaang statement na ito nga ay dummy lamang at ang to­toong nagmamay-ari  ay ang mga Koreano.

Dahil dito ay posibleng mahaharap sa paglabag sa Anti-Dummy Law si Men­gasca at ang tatlong Ko­reano at posible ring ma-deport palabas ng bansa.

Napag-alamang hindi rin awtorisadong car dealer ang nasabing tindahan dahil mo­­tor­­siklo lamang ang naka­saad sa kanilang permiso na kani­lang pwe­deng ibenta batay na rin sa report ng Department of Trade and Industry.

Kabilang sa mga sasak­yang nasamsam ay Kia Sportage, Kia Rio, Hyundai Sonata na kasalukuyan pa ring tinitingnan ang kabu­uang halaga nito.

Patuloy ang imbesti­gas­yon  habang inaalam pa ang ang pagkikilanlan  ng tatlong Koreano habang ang mga sasakyang nasam­sam ay nasa parking lot ng Cebu International Port Authority.