Habal-habal driver itinumba

COTABATO CITY – Binaril at  napatay matapos agawan ng motorsiklo ang isang ‘habal-habal’ driver, kagabi.

‘Habal-habal’ ang lokal na tawag sa mga extended motorcycle na ginagamit na pampasada.

Nakilala ang biktima na si Carmelo Larosa, 46, at residente ng PC Hill, Co­tabato City.

Ayon sa isang kaanak ng biktima, namamasada ang kanyang ama sa may bahagi ng PC Hill nang parahin ng suspek na nag­kunwaring pasahero.  Nag­pahatid umano ito sa may San Gregorio St., Ba­ rangay  Rosary  Heights-13.

Pero pagdating sa erya, tinutukan ang bik­ tima at inagaw ang mo­torsiklo. Nanlaban ang biktima sanhi para siya barilin sa ulo ng suspek.   (Malu Cadelina Manar)