Katedral binomba

Niyanig ng magkasu­nod na pagsabog ang dala­wang lugar kabilang ang Metropolitan Cathedral sa Zam­boanga City kahapon ng madaling araw.

Batay sa  report  ng Armed Forces of the Philippines-Western Mindanao Command, unang pinasabugan dakong alas-4:10 ng mada­ling araw ang Metropolitan Immaculate Concepcion Cathedral sa kahabaan ng La Purisima Street ng lungsod.

Ang pagsabog ay nag­bun­sod sa pagkawasak ng dala­wang behikulo na pag-aari ng isang pari na naka­parada sa iba­ba at kaliwang wing ng dala­wang palapag na simba­ han.

Ayon kay Task Force Zam­ boanga Chief Col. Darwin Guerra, ang pagsabog ay lu­mikha ng kalahating inches na hukay at ikinawasak ng sala­ming pintuan at bintana ng cathedral gayundin ang iba  pang kagamitan.

Walang nasugatan o na­sawi sa insidente na pinanini­walaang pananakot lamang para sa mga dadalo ng misa sa simbahan na itinakda ganap na alas-5 ng umaga.

Hinihinala ng mga awto­ridad na kagagawan ito ng alyansang Abu Sayyaf at Al Qaida international terrorist group.

“Wala sigurong planong maghasik ng gulo, gusto lang talagang manakot,” ayon sa opisyal.

Ilang minuto matapos ito, sumunod namang pinasa­bugan bandang alas-4:35 ng madaling araw ang isang lugar malapit sa isang ko­mersyal na bangko may 1.5 kilometro ang layo sa natu­rang simbahan.

Ayon sa ilang testigo, tat­ long hindi pa nakilalang mga la­laki na lulan ng motor­siklo ang namataang tumata­lilis sa lugar.

Kaugnay nito, nagpatu­pad na ng mahigpit na seguri­dad ang mga elemento ng pulisya at militar habang patu­loy ang masusing imbesti­gas­yon sa kaso upang pana­gutin ang mga responsable sa pagpapa­sabog.