Killer dive: Koreano tigok

CEBU — Isang Ko­reano na nag-aaral ng English sa Cebu City, ang napaulat na nasawi makaraang mabag­sakan ng isa pang Ko­reano na sumablay sa pag­lundag mula sa tuk­tok ng First Kawasan falls sa bamboo raft na sinasakyan ng dala­wang iba pang Koreano noong Biyernes Santo ng hapon.

Binawian ng buhay sa Saint Peter Hospital sa Alegria ang biktimang si Lim Sang Guen, 24, matapos mabag­sakan ni Ryu Ho-Jun, 25 na ngayon ay naka-confine sa isa ring pribadong ospital sa Cebu City.

Ginagamot naman sa pribadong ospital ang mga kaklase ni Lim na sina Leon Chang Sun, 22; at Chun Seong Ah, 24, dahil sa nagkabali-ba­ling buto sa katawan.

Si Ryu ay nag-aaral ng English sa Cebu City gayundin ang tatlong biktima subalit hindi magkakilala at nagka­taon lamang na nagka­sabay sa paliligo sa na­sabing popular na ba­kasyonan sa Ba­rangay Matotinao sa bayan ng Badian, Cebu.

Ayon kay PO3 Jere­mias Elardo ng himpilan ng pulisya sa Badian, si Ryu ay may mga kasa­mahan pang Ko­reanong kaklase na nagtatam­pisaw sa tubig ng mga oras ding iyun habang ang grupo naman ng tatlong Koreano ay nakasakay sa isang bam­boo raft patungo sana sa mis­mong falls.

Subalit hindi inakala ng tatlo na maliban sa tubig na babagsak sa kanila ay kasama si Ryu.

Ayon kay Police Regional Office-7 director, Chief Supt. Ronald Ro­deros nahaharap sa kasong reckless imprudence resulting to homicide and physical injuries si Ryu.

Nabatid na ang mga Koreano ay nangungu­nang turista ng Cebu taun-taon kaya naman ang pulisya ay nag­ta­laga na ng mga tourist cops sa re­hiyon at pi­nag-aaral ang mga ito ng Ko­rean language. (Edwin Ian Melecio)