Ex-councilor, 1 pa dedo sa ambush

CAMP VICENTE LIM, Laguna – Hindi na umabot pa ng buhay ang dalawang lalaki kabilang na ang ex-councilor makaraang tam­bangan ng mga di-pa ki­lalang kalalakihan sa bi­sinidad ng Barangay Du­langan sa bayan ng Mag­diwang, Romblon kamaka­lawa ng hapon.

Kinilala ni P/Inspector Divina Mencio, hepe ng Magdiwang PNP, ang mga  biktimang sina Florencio Rubia, 38, 3rd timer ex-councilor ng naturang ba­yan at ang kaibigan nitong si Buenafe Magro, 39, kapwa naninirahan sa Ba­rangay Poblacion sa na­banggit na bayan.

Ayon sa ulat, bandang alas-5:30 ng hapon, pa­pauwi na ang magka­ ibigan sakay ng motor­siklo nang harangin at ratratin pag­dating sa ba­rangay road ng na­banggit na barangay.

Nakarekober ng mga basyo ng cal. 9mm ang mga imbestigador sa crime scene habang inaalam pa rin ang naging motibo sa pamamaslang. (Arnell Ozaeta at Joy Cantos)