Bride-to-be nag-suicide

CEBU – Hindi na uma­bot sa araw ng kanyang kasal ang isang 19-anyos na ba­bae na pinanini­wa­laang buntis ng dala­wang buwan maka­raang tumalon sa ba­ngin na sakop ng Ba­rangay Calumpang sa bayan ng Oslob, Cebu noong Linggo.

Kinilala ng pulisya ang biktimang si Jane Gercillea ng Daanban­tayan at pan­saman­talang nakikitira sa bahay ng kanyang ma­pa­pangasawa na si Gionneve Sormeon, 20, ng nabanggit na barangay.

Pansamantalang wa­lang masilip na mo­tibo ang mga imbesti­gador ng pu­lisya sa nagpakamatay na biktima, subalit ayon kay SPO4 Isagani Ti­napay ng himpilan ng pulisya sa Oslob, bago maganap ang insi­dente ay magkasa­mang nananghalian sa karin­derya si Gercillea at Sor­meon at nama­taan ding magkasa­mang umuwi.

Ayon kay Sormeon, ha­bang sila ay nag­papahinga sa kanilang bahay ay ‘di-nito na­pansing lumabas ang babae papunta sa ba­ngin na may 200 metro lamang ang layo mula sa kanilang tinitirhan.

Sinubukang sundan ni Sormeon kasama na ang kanyang  batang  kapatid na babae at sinubukang kumbin­sihin na huwag ga­ga­wa ng masama.

Subalit sa halip na su­munod ay ibinigay ng ba­bae ang hawak nitong kutsilyo, relos at tsinelas sa nakababa­tang kapatid ng mapa­pangasawa.

Pinagsabihan ng babae ang mag-utol na kung maghahanap ang kanyang mga magu­lang ay ipag­bigay alam na patay na ito at ka­sabay nito ay biglang tumalon sa bangin ang biktima.

Nagkalasug-lasog ang katawan ni Ger­cillea nang tumama sa binagsakang batuhan subalit sinubukan pa itong isugod sa Oslob District Hospital pero idi­neklarang patay.

Ayon sa pulisya, dala­wang araw na ang nakaka­lipas nang ipag­bigay-alam ni Gercillea sa kanyang kasin­tahan na may mabigat itong  problemang hindi niya ka­yang sabihin kani­nu­man.

Ayon kay PO2 Nel­son Saquibal, base na rin sa resulta ng awtop­siya ng municipal me­dico-legal officer ay da­lawang buwang buntis si Gercillea.