Healing mass dinagsa

CAMARINES NORTE  – Aabot sa 50,000-katao mula sa iba’t ibang lala­wi­gan ang du­magsa sa healing rally ni Fr. Fernando Suarez na ginanap sa Holy Trinity Cathedral sa Barangay Gahonon, Daet, Camarines Norte kamakalawa ng ha­pon.

Linggo pa lamang ng ha­pon nang dumgsa sa nasa­ bing simbahan ang mga taong mag­papagamot kahit na bumu­buhos ang malakas na ulan hanggang sa buksan ang ha­rapan ng gate ng cathedral ban­dang alas-7 ng umaga at halos magkatu­lukan sa pag-uunahan na makapasok.

Bandang alas-2 ng ha­pon nang isagawa ang healing mass sa pamama­gitan ng pagdampi ng palad ni Fr. Suarez sa mga may­sakit at halos hindi maka­paniwala ang lahat dahil isa isang nagpato­ too sa hara­pan ng simbahan ang mga lumpo, bulag, bingi at iba pang karamdaman na na­pa­galing ni Suarez.

Tumagal ng halos 8-oras ang healing mass dahil hangad na mapag­bigyan ang lahat na nag­hihintay sa labas ng sim­bahan.

Samantala, aabot na­man sa 40-katao na hini­matay dahil sa tindi ng sikat ng araw ang nabigyan ng first aid ng Red Cross-Ca­marines Norte katu­wang ang rescue team ng CANORA, Kabalikat Civicom, Knights of Columbus, KABAYAN at PNP. (Francis Elevado)