KIDAPAWAN CITY – Patay agad ang negosyanteng si Abdul Jabar Bagundang nang pagbabarilin ng tatlong mga ‘di kilalang lalaki sa Esteros, Barangay Mother Tamontaka sa Cotabato City kahapon madaling-araw.
Palabas ng kanyang bahay si Bagundang para magtungo sa kanyang tindahan sa sentro ng Cotabato City nang lapitan at barilin ng isa sa mga suspek gamit ang caliber .45 pistol.
Sinasabing matagal nang nakatatanggap ng death threats ang biktima pero ipinagwalang-bahala niya lang ito. (Malu Cadelina Manar)