3 holdaper dedo sa shootout

RIZAL – Tatlong kalala­ki­han na pinaniniwalaang kilabot na holdaper ang iniulat na napatay maka­raang maki­pagbarilan sa mga operatiba ng pulisya sa Baytown Road sa Ba­rangay Kalayaan, An­gono, Rizal ka­makalawa.

Inaalam pa ang pag­ki­kilan­lan ng tatlo na ayon sa inisyal na impormasyon ay mga mi­yem­bro ng kilabot na “Waray-Waray Group.”

Sa ulat na isinumite kay P/Se­ n­ior Supt. Ireneo Dordads, Rizal police director, natunton ng mga awto­ridad ang pinag­ku­kutaan ng tatlo sa nabanggit na barangay bandang alas-4:30 ng hapon.

Nauna dito, hinoldap ng mga suspek ang isang kawani ng Cand L finance company na si Anthony Lloyd Ocana sa bahagi ng Baytown Road kung saan nakuha sa biktima ang P13,000.

Agad naman nagtungo ang biktima sa himpilan ng pu­lisya upang iulat ang insidente kaya nagsagawa ng follow-up operation hanggang sa maga­nap ang shootout.

Positibo namang kinilala ni Ocana, ang tatlong na­patay na siyang humoldap sa kanya subalit hindi na nabawi pa ang perang nakuha dito.