Pagpatay sa pangulo ng BIA inako ng NPA

LEGAZPI CITY – Inako ng pamunuan ng Santos Binamera Command ng New People’s Army (NPA) ang pamamaslang sa ex-chief ng Civil Security Unit na ngayon ay pangulo ng  Bahamas Irrigation Association na pinagbabaril sa Ligao City, Albay noong Miyer­kules.

Sa press statement na ipinalabas ni Florante Oro­bia, alyas Ka Greg Banares, tumatayong ta­gapagsalita ng nasabing grupo, lumilitaw na itinu­turong pumatay sa regional coordinator ng Bayan Muna ay ang dating hepe ng CSU na si Expidito Ribayan noong Disyembre 31, 2006.

“Armado at mapa­nganib si Ribaya kaya napilitan ang mga pulang man­di­rigma na pa­ tayin ang una,” giit ni Orobia.

Ayon kay Orobia, si Ri­baya, ang responsable sa pagpatay kay Bayan Muna Coordinator Rodolfo “Om­pong” Al­varado kaya si­ningil rin nila ito ng dugo na utang sa ba­yan.

“Ginamit ni Ribaya ang kanyang pampulitikang ko­neksyon at implu­wen­sya at ang proteksyon ng AFP upang pagtakpan ang kri­men,” dagdag pa ni Orobia kung saan walang maaring ilihim sa kilusan ng CPP-NPA.

“Nguni’t walang bagay na maaaring ilihim sa rebo­lusyonaryong kilusan na may malawak na su­porta ng mamamayan at gu­magamit ng siyenti­pi­kong paraan ng pagsu­suri at pagsisiyasat. Ma­ipa­pa­tupad pa rin ang rebolus­yonaryong hustisya at sisi­ngilin nito ang mga may ma­lubhang krimen sa ma­mamayan gaano man ito  katagal,” pasaring  pa ng nasabing grupo. Ed Casulla at Joy Cantos