305 pamilya inilikas

CAMP SIMEON OLA, Le­ gazpi City  – Dahil sa mala­kas na pag-ulan nitong Miyer­kules ng gabi, muling inilikas kahapon ang 270 pamilya (1,596) katao sa pangambang maapek­tu­han sa pagragasa ng lahar mula sa Mt. Bulusan sa Sor­sogon, ayon sa ulat ka­hapon.

Sa ulat na tinanggap ng National Disaster Coordinating Council (NDCC), kabilang sa inilikas na mga residente ay naninirahan sa mga Barangay Monbon, Cogon, Amukid, Pa­tag, Sto. Domingo, Talistisan at Mapaso na nasa bayan ng Irosin, Sorsogon.       

Ito ang ikalawang pag­likas ng mga residente sa mga naturang barangay ngayong linggong ito ha­bang patuloy naman ang pamamahagi ng relief goods ng lokal na  pama­halaan sa pangunguna ni Iro­sin Mayor Lilia Gonzales sa mga apektadong resi­dente.

Sinabi ni Gonzales na dahil sa hindi kayang i-accomodate ng munisipyo ang nasabing bilang ng mga evacuees, ang iba ay dinala sa mga paaralan, barangay hall at simbahan.

Nabatid na labis ang na­ram­damang takot ng mga re­sidente lalo ang mga nanini­rahan sa Ba­rangay Cogon bunsod na rin ng pag-apaw ng Ra­ngas River na umabot sa mga kaba­hayan kung kaya hindi na nagdala­wang-isip pang magsilikas ang mga ito.

Patuloy namang bina­ban­tayan ng mga kawani ng local na Department of Public Works and Highways (DPWH) ang isang tulay na maaring bumi­gay dahil sa pagbuhos ng lahar.

Samantalang maging ang mga kalsada patu­ngong Mom­bon at Cogon ay hindi na ma­daanan dahil na rin sa mudflow. (Ed Casulla at Joy Cantos)