4 barangay apektado ng lahar

CAMP CRAME – Aabot sa apat na barangay sa ba­yan ng Irosin, Sorsogon ang naapek­tuhan ng rumaraga­sang lahar mula sa bulkang Bulusan dulot ng ulan, ayon sa ulat kahapon.

Sa ulat na isinumite sa Office of Civil Defense na pinamu­munuan ni Administrator Glenn Rabonza, uma­abot sa 47 pa­milya na may kabuuang 155-katao ang inilikas umpisa ka­hapon ng madaling-araw na pan­sa­mantalang nasa muni­sipyo ng Irosin.

Kabilang sa mga apek­tadong barangay ay ang Mom­bon, Mapaso, Cogon at ang Amukid  kung saan malaking bahagi ng kanilang mga lugar  ay umabot hanggang kalye ang baha ha­bang hindi na­man madaanan ang ilang panguna­hing lansa­ngan.

Sa report, partikular na apek­tado ng pagdaloy ng lahar ay ang mga river channels na nagsiapaw na rin at nagdulot ng mga pagbaha sa mababang lugar.

Sa tala ng OCD, na noong Lunes ng hapon  ay muling nag-alburuto ang Mt. Bulusan na nagbuga ng abo na may taas na 150 metro.

Kaugnay nito, isang team ng volcano experts sa Sorso­gon sa pangunguna ni Bella Tubia­nosa, ang idinispatsa sa lugar para magsagawa ng pag-iins­pek­ syon sa pagraga­sa ng lahar.

Nananatili namang na­kataas ang Alert level 1 kung saan mahigpit na ipinagba­bawal sa mga residente na manatili sa 4-kilometer Permanent Danger Zone (PDZ) sa palibot ng bulkan. (Joy Cantos/Ed Casulla)