480 kawani nangangambang masibak

BALAYAN, Batangas  — Labis-labis ngayon ang pangamba ng mga mang­gagawa ng Steel Corpo­ration Philippines (SCP) kabilang na ang kanilang pamilya matapos mapaba­litang isasailalim sa rehabi­litasyon ang naturang kum­panya na pinaniniwalaang nabaon ito sa bilyun-bilyong pisong pagkakautang sa banko.

Ayon kay Nelson Ma­mangon, presidente ng Steel Corporation Labor Union, nagbibigay ng demo­ralisasyon sa katulad niyang manggagawa ang balitang kumalat sa posibleng nala­lapit na pag-take-over o re­ceivership ng Equitable PCI Bank sa kanilang kum­panya.

“Nangangamba kaming mga manggagawa na ma­aring magkaroon ng con­tractualization sa work force kapag tinake-over na ng nabanggit na bangko ang aming kumpanya,” pa­hayag ni Mamangon.

Ang Steel Corporation Philippines(SCP), na pag-aari ng negosyanteng si Abeto Uy, ang isa sa pinaka­malaking pagawaan ng bakal sa Pilipinas, na may singkuwenta porsyentong market share sa coated flat steel roofing.

Nang magsimula ang SCP, umutang ito ng additio­nal capital sa Equitable PCI Bank ng ilang bilyong piso para punuan ang kakula­ngan sa pondo ng  construc­tion ng kumpanya para maging operasyunal ito.

Ngunit tulad ng ma­raming pagawaan sa Pili­pinas, naapektuhan ito ng 1997 Asian Financial Crisis hanggang sa hindi na ito makapagbayad ng kabu­uang utang na umaabot sa P7.9-bilyon.

Umabot sa korte ang usa­pin at kasalukuyang naghihintay na lamang ng kautusan kaugnay sa ipa­patupad na rehabilitasyon. Arnell Ozaeta