5 pulis-Bukidnon grinanada ng rapist

CAMP CRAME – Na­lasog ang katawan ng isang pulis habang ma­lubha namang na­su­­ga­tan ang apat pa nitong kasamahan ma­ karaang sumabog ang granada na inihagis ng isang ra­pist na tangkang arestu­hin sa Purok 5, Sitio Bun­dok Tralala sa Ba­ran­gay 9, Malaybalay City, Bukidnon kamaka­lawa.

Si PO2 Roy  Francisco ay kinarit ni kama­tayan sa Philips Hospital, samantalang gina­ga­mot naman sa Bethel Baptist Hospital at Ma­laybalay Polymedic Hos­pital sina P/Inspector Crisanto Molina, SPO1 Melchor Hinio, PO3 Joseph Ga­lupo at si PO3 Esmeraldo Ca­hilig.

Base sa ulat, ‘di pa su­misikat ang araw nang magtungo ang pangkat ng pulisya na bitbit ang warrant of arrest laban sa sus­pek na si Moises Brandia na may kasong rape.

Napag-alamang pi­na­­tuloy pa ng mga ka­sam­bahay ni Brandia ang anim na pulis suba­lit pag­pasok sa salas ay agad na hinagisan ng granada sabay talon sa bintana ang suspek.

Umalingawngaw ang pagsabog na yumanig sa nabanggit na lugar na nagresulta sa pagka­sawi ni PO2 Francisco habang lima pa ang na­sugatan.  

Nahaharap naman ngayon ng karagdagang kasong murder, grave threats, serious physical injuries at acts of lasci­viousness ang sus­pek. (Joy Cantos )