6-buwang binihag, nailigtas

CAMP OLIVAS, Pampanga  —  Nailigtas ng mga operatiba ng Criminal Investigation and Detection Unit (CIDU3), ang isang 19-anyos na babae sa kamay ng sindikato ng white slavery makaraang salakayin ang kuta ng grupo sa Barangay Manibaug sa bayan ng Porac, Pampanga, noong Martes. Ayon kay P/Senior Supt. Guillermo Lorenzo Eleazar, CIDU3 regional­ officer, ang biktimang si Teresita Abrea ay dinukot noong Pebrero 7 kung saan itinago ng anim na buwan bago naisalba. Hindi naman inabutan ng mga awtoridad ang suspek na si Rolando Babor habang nasa panga­ngalaga ng Department of Social Welfare and Deve­lopment ang biktima habang hinihintay ang mga magulang mula sa Palawan. (Ric Sapnu.)