KIDAPAWAN CITY —Aabot sa labing-isa katao sa naganap na magkakahiwalay na pagsabog sa central Mindanao, noong Huwebes.
Sa bayan ng Arakan, North Cotabato, siyam na kalalakihan na nag-iinuman ng alak sa maliit na tindahan sa Ba rangay Gambudes ang nasugatan matapos na sumabog ang inihagis na granada ng suspek na si Christopher Musota, 26.
Sa ulat ni P/Insp. Joyce Birrey, spokesperson ng North Cotabato PNP, nainsulto si Musota sa isang lalaki ng kainuman kaya nagbanta na pasasabugan ng granada.
Napag-alamang umalis si Musota sa grupo ng kalalakihan at nang babalik ay naghagis ng granada.
Agad namang nasakote ng mga barangay tanod si Musota at ngayon ay nakapiit sa himpilan ng pulisya.
Samantala, sa Cotabato City, sugatan ang isang pulis na si SPO1Julius Perez at misis nitong si Genevieve matapos na sumabog ang inihagis na granada pasabugan ng ’di-kilalang lalaki sa kanilang bahay habang nagpapahinga ang mag-asawa noong Huwebes.
Ayon kay P/Senior Insp. Willy Kasuyo, spokesman ng Cotabato City PNP, posibleng may kinalaman sa trabaho ni SPO1 Perez ang pagpapasabog. Malu Cadelina Manar at Joy Cantos