Trader, treasurer dinukot

CAMP AGUINALDO — Di­nukot ng mga armadong kala­lakihan ang dalawang kalalaki­han kabilang na ang isang municipal treasurer sa naga­nap na magkahiwalay insi­dente ng kidnapping sa Isabela at Lanao del Sur, ayon sa ulat kahapon.

Kinilala ng pulisya ang da­lawang dinukot na sina Mario Calumpit ng Cali­nauan, Ma­lasin. Sto. Tomas, Isabela; at Manoramas Hadji Hasan, 45, ng Maro­gong, Lanao del Sur.

Ayon sa ulat, si Calumpit ay dinukot ng mga arma­dong kalalakihan habang umiihi ang biktima sa labas ng kanilang bahay bandang alas-7 ng gabi na mismong ang kanyang misis na si Magda ang naka­saksi. Ki­na­bukasan ay naka­tang­gap ng text message si Magda mula sa mga kidnaper na humihingi ng P.5 milyong ransom kapalit ng kalayaan ng kanyang mister.

Samantala, si Hasan na­man ay dinukot sa labas ng Phil. National Bank sa kaha­baan ng Perez Street sa Ma­rawi City sa Lanao del Sur.

Lumitaw sa pagsisiyasat na isinumite sa Camp Cra­me, na inabangan si Hasan na luma­bas ng banko bago tinutukan ng baril at isinakay sa kotseng may plakang TSB-191 na pag-aari na­man ng isang Mangurun Sul­tan, alyas Manner ng Ma­rogong, Lanao del Sur. Joy Cantos