Mt. Bulusan sumabog

LEGAZPI CITY — Uma­bot sa lungsod ng Legazpi ang ibinugang makapal na abo ng Mt. Bulusan ma­ka­raang dumagundong at su­mabog kahapon ng umaga.

Naitala ng Philippine Volcanology and Seismology (Philvocs), ang pagsabog dakong alas-9:37 ng umaga matapos ang pagyanig at malakas na dagundong na tumagal ng 20-minuto.

Nabatid na aabot sa limang kilometrong taas ang ibinugang abo ng nasabing bulkan kung saan napadpad sa direksyon ng timog-kan­luran at hilagang-kan­luran.

Kabilang sa mga apek­tadong barangay ng ashfall ay ang mga Barangay Cogon, Gulang-Gulang, Bolos, Mon­bon at ang Barangay Gabao sa Irosin, maging ang mga Barangay Puting Sapa, Sang­kayon at Barangay Buraburan sa Bayan ng Juban sa Sor­sogon.

Nasa alert level no. 1 pa rin ang Mt. Bulusan na pina­niniwalaang aabot sa 20 ulit na sumabog noong nakali­pas ng taon at patuloy na  nagpapakita ng abnorma­lidad kung saan nagkaka­roon ng maliliit ng pagyaya­nig sa paligid ng nasabing bulkan.

Binalaan naman ng Phil­vocs, ang mga residente na nakatira sa paligid ng bulkan na pansamantalang huwag pumasok sa loob ng 4-Kilometer radius permanent danger zone dahil sa mapanganib na steam/ash explosion.

Sa kasalukuyan ay naka­handa ang Provincial Disaster and Coordinating Council para ilikas ang mga resi­denteng apektado sakaling manalasa ang nagbabagang lava. Ed Casulla at Angie Dela Cruz