3 magkakaibigan inambus, patay

BULACAN – Bayolen­teng kamatayan ang sinapit ng tatlong kalalakihan ma­karaang ratratin ng mga di-kilalang armadong kalala­ kihan sa kahabaan ng highway na sakop ng Barangay Bulihan sa Malolos City, Bulacan kamakalawa ng gabi. 

Kabilang sa mga na­paslang ay sina Dennis Pascual, trader, ng Luning­ling Street, Lagro, Quezon City; Salvador Durana, ba­rangay tanod, ng North Fair­view, Quezon City at si Orlando Santos, entertainer sa Japan, ng Sitio Bantayan 2nd ng nabanggit na ba­rangay.

Samantala, nakaligtas naman si Violeto Echalico ma­tapos na lumundag mula sa jeep.

Lumilitaw sa imbesti­gasyon ni P/Inspector Ar­mando Reyes, na sakay ng owner-type jeep na may plakang DRK 675, ang mga biktima nang tambangan ng mga armadong kalalaki­hang sakay ng dalawang L300 van bandang alas-7:30 ng gabi.

Napag-alamang bago maganap ang insidente ay bumisita sina Pascual, Du­rano at Echalico sa bahay ni Santos sa nabanggit na ba­rangay. Makalipas ang ilang oras na kuwentuhan ay na­ki­angkas si Santos sa ow­ner-type jeep ng tatlo, su­bali’t hindi pa nakakalayo sa kanilang bahay ay uma­lingawngaw na ang sunud-sunod na putok ng malala­kas na kalibre ng baril.

Bulagta ang tatlo sa loob ng jeep habang nak­uhang lumundag ni Echalico sa madamong bahagi ng highway.

Narekober ng mga ta­uhan ni P/Supt. Manuel Luk­ban, ang 40-basyo ng 9mm pistol, M16 armalite rifle at Cal. 45 pistol habang sini­silip ng mga imbestigador ang anggulong paghihiganti ang isa sa motibo ng krimen. Boy S. Cruz at Dino Balabo