Nanaksak, sinaksak, todas

MALOLOS CITY,  Bula­can — Tanging ang San Jose del Monte City, ang hindi pa nagkakapagproklama ng alkalde dahil hindi pa nata­tapos ang bilangan ng boto kaya’t hindi pa malaman kung sino ang nanalo kina incum­bent Mayor Lito Sarmiento at Rep. Eduardo Roquero.

Batay naman sa talaang naipon ng PSN, hindi bababa sa 11 sa 23 naiproklamang alkalde ay re-electionist, walo ang bagong mukha at tatlo naman ang minsa’y nagling­kod na ang nakabalik sa puwesto.

Kabilang sa mga re-elec­tionist na alkaldeng nagwagi ay sina Danilo Domingo (Ma­lolos City); Evelyn Paulino (Doña Remedios Trinidad); Romy Estrella (Baliuag); James de Jesus (Calumpit); Epifanio Guillermo (Marilao); Tessie Vistan (Plaridel); Donato Marcos (Paombong); at si Leonardo De Leon (Angat).

Kabilang naman sa mga baguhang alkaldeng nanalo ay sina Romeo Castro (Ba­lagtas); Gani Pascual (Gui­guinto); Vicente Esguerra (Pulilan);  Angel “Boy” Cruz (Ha­gonoy); Roberto Oca (Pandi); Roderick Tiongson (San Miguel); Joan Alarilla (Meycauayan,); at si Orencio Gabriel (Obando).

Maging ang mga dating alkalde na may ilang taong namahinga at muling nanalo ay sina Anacleto Meneses (Bulakan); Jonjon Villanueva (Bocaue) at si Feliciano Le­gazpi (Norzagaray). (Dino Balabo at Boy Cruz)