CAVITE – Kahit may mga naganap na kaguluhan at karahasan sa nakalipas na eleksyon sa Cavite ay mapayapang naiproklama ang mga nanalong kandidato sa pangunguna nina Governor Ayong Maliksi at Vice Governor Dencito “Osboy” Campana. Nanalo rin sa 1st, 2nd at 3rd district ang mga kandidato sa congressional race na sina Jun Abaya , Pidi Barzaga at Jesus Crispin “Boying” Remulla.
Kabilang din sa mga nanalong provincial board members ay sina Jun del Rosario, Louie Pagtakhan, Alex Advincula, Recto Cantimbuhan, Arlene Arayata, Munding del Rosario, Virgillo Ambion, Eileen Beratio-Cocos at si Lope Tepora.
Maliban sa bayan ng Bacoor kung saan may nakabinbing protesta sa Comelec ang mga natalong kandidato sa pagka-alkalde ay proklamado na bilang nanalong mayor sa iba’t ibang bayan sina Bernardo Paredes (Cavite City); Boy Alvarez (Noveleta); Nonong Ricafrente (Rosario); Tik Aguinaldo (Kawit); Marcus Ashley Arayata (Tanza); Melencio de Sagun (Trece Martires City); Jon-jon Ferrer (General Trias); Roy Loyola (Carmona); Walter Echevaria (General Mariano Alvarez); Emmanuel Maliksi (Imus); Jenny Barzaga (Dasmariñas); Abraham Tolentino (Tagaytay City); Virgillo Varias (Alfonso); OJ Ambagan (Amadeo); Danilo Bencito (Gen. Emilio Aguinaldo); Benny Dimero (Indang); Edwin V. Sisante (Magallanes); Monte Andaman (Maragondon); Manuel Romera (Mendez); Efren Nazareno (Naic); Areng Pobleta (Silang); at si Conrado Lindo (Ternate).